ജിദ്ദയിൽ നിന്ന് എയർഇന്ത്യ വിമാനത്തിൽ കരിപ്പൂരിലെത്തിയ മലപ്പുറം കുറുന്പലങ്ങോട് പി.മുഹമ്മദ്(45), ദോഹയിൽ നിന്നു ഇൻഡിഗോ വിമാനത്തിൽ കരിപ്പൂരിലെത്തിയ കോഴിക്കോട് കട്ടിപ്പാറ അബ്ദുൾ ജബ്ബാർ മുഹമ്മദ് ഹനീഫ(50) എന്നിവരിൽ നിന്നാണ് സ്വർണം പിടികൂടിയത്.
848 ഗ്രാം സ്വർണ സ്തൂപമാണ് മുഹമ്മദിൽ നിന്നു കണ്ടെടുത്തത്. വാതിലിന്‍റെ പൂട്ടിനുളളിലാണ് ഇയാൾ സ്വർണം ഒളിപ്പിച്ചിരുന്നത്. ശരീരത്തിൽ ഒളിപ്പിച്ചാണ് അബ്ദുൾ ജബ്ബാർ സ്വർണം കടത്തിയത്. ഇയാളിൽ നിന്ന് 449 ഗ്രാം സ്വർണ മിശ്രിതമാണ് കണ്ടെടുത്തത്.രണ്ടു പൊതികളിലായാണ് സ്വർണമുണ്ടായിരുന്നത്.
കരിപ്പൂർ കസ്റ്റംസ് അസിസ്റ്റന്‍റ് കമ്മീഷണർ എ.കെ.സുരേന്ദ്രനാഥ്, ജ്യോതിർമയി, ഐസക് വർഗീസ്, രഞ്ജിനി വില്യംസ്,രാധാ വിജയരാഘവൻ, സൗരവ് കുമാർ, ടി.എസ്.അഭിലാഷ് തുടങ്ങിയവരാണ് സ്വർണം പിടികൂടിയത്.
